I-287 கட்டுமானம்

White Plains-ல் I-287 கட்டுமான பணி கடந்த 3 வாரங்களாக நடந்து வருகிறது. இந்த பணி முடிய மூன்று ஆண்டுகள் ஆகும். சுமார் மூன்று கிலோமீட்டர் பாதையை சரி செய்ய 2250 கோடி இந்திய ரூபாய் செலவாகுமாம்!!! இவ்வளவு அதிக செலவாக காரணம், இந்த இடத்தின் இரு பக்கமும் பாறையாக உள்ளது. ரோட்டை பெரிது படுத்த வெடி வைத்து பாறைகளை தகர்க்க வேண்டும். 2-3 பாலங்களை (flyover) புதிதாக கட்ட வேண்டும். ஆனாலும் மூன்று கி.மீ. க்கு, இது மிக மிக பெரிய செலவாக தோன்றுகிறது. இந்த வழியாக தான் நான் தினம் அலுவலகம் சென்று வருவேன்.
இதை பற்றி மேலும் படிக்க இங்கே செல்லவும் (ஆங்கில கட்டுரை).

அமெரிக்க தேர்தல்

அமெரிக்காவில் ஒவ்வொரு ஆண்டும் குறிப்பிட்ட ஒரு நாளில் தான் தேர்தல் நடக்கும். அது நவம்பர் மாதம், முதல் திங்கள் கிழமையை அடுத்த நாள் (செவ்வாய் கிழமை). இது 1845-ல் சட்டமாக்கப்பட்டது. இதற்கு காரணம், நவம்பர் மாதத்தில் அறுவடை முடிந்திருக்கும். அனைவரும் வந்து வோட்டு போட முடியும். ஞாயிறு அனைவரும், கோயிலுக்கு (சர்ச்) செல்வார்கள். அவர்கள் வோட்டு போடும் இடத்திற்கு செல்ல ஒரு நாள் விட்டு (திங்கள்), செவ்வாய் கிழமையை தேர்ந்தெடுத்தார்கள்.

• நான்கால் வகுக்க கூடிய ஆண்டுகளில், ஜனாதிபதி தேர்தல் நடக்கும்.
• இரட்டைபடை ஆண்டுகளில், House of Representatives-ற்கும், மூன்றில் ஒரு பகுதி செனட் உறுப்பினர்களுக்கும் தேர்தல் நடக்கும்.

நமது நாட்டில் கீழ்சபை, மேல்சபை இருப்பது போல் இங்கு காங்கிரஸில் இரண்டு பகுதி உள்ளது - ஹௌஸ் ஆஃ ரெப்ரெஸெண்டேடிவ்ஸ் மற்றும் செனட்.
செனட்டில் ஒரு மாநிலத்திற்கு இருவர் என்று 50 மாநிலங்களுக்கு மொத்தம் 100 உறுப்பினர்கள் உள்ளனர். தேர்ந்தெடுக்கப்பட்ட ஒவ்வொரு உறுப்பினரும் 6 வருடம் பதவியில் இருப்பார். துனை ஜனாதிபதி தான் செனட்டின் தலைவர்.
அமெரிக்கவில் 435 மாவட்டங்கள் (congressional district - சுருக்கமாக இந்த பதிப்பிற்கு மாவட்டம் என்று கூறுவோம்) இருக்கிறது. ஒரு மாவட்டத்தில் சுமார் ஆறு லட்சம் மக்கள் என்று பிரித்துள்ளார்கள். ஒரு மாவட்டத்திற்கு ஒருவர் என்று ஹௌஸ் ஆஃ ரெப்ரெஸெண்டேடிவ்ஸில் தற்போது மொத்தம் 435 உறுப்பினர்கள் உள்ளனர். இங்கு தேர்ந்தெடுக்கப்பட்ட ஒவ்வொரு உறுப்பினரும் 2 வருடம் பதவியில் இருப்பார்.
ஜனாதிபதியும், துனை ஜனாதிபதியும் 4 ஆண்டுகள் பதவி வகிப்பார்கள்.
ஹௌஸ் ஆஃ ரெப்ரெஸெண்டேடிவ்ஸ் மற்றும் செனட்டில் வெவ்வேறு கட்சிகள் பெரும்பான்மையாக இருக்கலாம். மற்றும் ஜனாதிபதி வேறு ஒரு கட்சியை சேர்ந்தவராகவும் இருக்கலாம். தற்போது 2006 தேர்தலில், ஹௌஸ் ஆஃ ரெப்ரெஸெண்டேடிவ்ஸ் மற்றும் செனட், இரண்டிலும் டெமொக்ராட்ஸ் பெரும்பான்மை கட்சியாக உள்ளது. ஜனாதிபதி ரிபப்ளிகன் கட்சியை சேர்ந்தவர். ஒரு சட்டம் கொண்டு வர வேண்டும் என்றால் இந்த இரண்டு குழுக்கள் மற்றும் ஜனாதிபதி சரி என்று சொல்ல வேண்டும்.

ஹிந்தி படங்கள்

உங்களிடம் broadband இணைப்பு இருந்தால் ராஜ்ஷ்ரி நிருவனத்தின் படங்களை இலவசமாக (சட்டபூர்வமாக) பார்க்கலாம்.

இலவச படங்கள்

சோதனை பதிப்பு

மின்னங்சல் மூலம் பதிக்கும் முறையை சோதிக்கிறேன்..

Moonlighting

இன்று நான் கற்ற ஆங்கில வார்த்தை Moonlighting. இதன் அர்த்தம், to hold a second job in addition to a regular one. அமெரிக்காவில் மிக குறைந்த சம்பளத்தில் வேலை செய்பவர்களுக்கு குடும்பம் இருந்தால், அந்த ஒரு சம்பளத்தில் குடும்பத்தை காப்பாற்ற முடியாது. அதனால் அவர்கள் பொதுவாக இரண்டு வேலை செய்ய வேண்டியிருக்கும். முதல் வேலை காலையில் இருந்து மாலை வரைக்கும், இரண்டாவது வேலை மாலையிலிருந்து இரவு வரைக்கும் இருக்கும்.

அமெரிக்கவில் கடந்த செவ்வாய் கிழமை தேர்தல் நடந்தது. அதில் காங்கிரஸில் ( கட்சி அல்ல) டெமொக்ராட்ஸுக்கு பெரும்பான்மை வெற்றி கிடைத்தது. டெமொக்ராடிக் கட்சி சபாநாயகி நான்சி பெலோசி (இந்த பதவிக்கு வரும் முதல் பெண்மனி), அடுத்த சனவரியில் சபை கூடும் போது முதல் வேலையாக, மிக குறைந்த ஊதியத்தை உயர்த்த சட்டம் கொண்டு வருவோம் என்று கூறியுள்ளார். இது அமலுக்கு வந்தால், தற்போதைய $5.15 (ஒரு மணி நேரத்துக்கு) என்ற ஊதியம் படிப்படியாக உயர்த்தப்பட்டு 2008-ல் $7.25 ஆக இருக்கும்.

தமிழ் ராப் பாட்டு

மலேசிய இசைக்குழு - யோகி B., நட்சத்ராவின் வல்லவன் ஆல்பத்திலிருந்து

30 நாட்கள் - No அரிசி

நாம் (தமிழர்கள்) அரிசி உணவு வகைகள் அதிகமாக சாப்பிடுகிறோம். தினமும் மதியம் சாப்பாடு சாப்பிடுகிறோம். இரவு இட்லி, தோசை, அடை போன்று பொதுவாக அரிசியால் செய்த உணவை சாப்பிடுகிறோம்.
கடந்த அக்டோபர் 23-ஆம் தேதியில் இருந்து, அரிசியில் செய்த எந்த உணவையும் முப்பது நாட்களுக்கு சாப்பிட போவதில்லை என்று முடிவெடுத்திள்ளேன்.

அரிசியில் (குறிப்பாக நாம் சாப்பிடுகின்ற வெள்ளை பொன்னி பச்சரிசியில்) complex carbohydrates இருந்தாலும் சுத்திகரிக்கப்பட்ட நிலையில் அவை simple carbohydrates-ஆக மாறிவிடும். அதுமட்டுமல்லாமல், சுத்திகரிக்கும் போது வைடமின் மற்றும் மினரல்ஸையும் இழந்துவிடுவோம். முழு கோதுமை மற்றும் பழுப்பு (brown) அரிசியில் complex carbohydrates இயற்கை வடிவில் அப்படியே இருக்கும்.

தினமும் மதியம் என் மனைவி சாம்பார், ரசம், தயிர் என்று ருசியாக சாதம் சாப்பிடும் போது அருகில் சப்பாத்தி சாப்பிடுவது கடினம். இது என்னுடைய தன்னிலை கட்டுப்பாட்டை வளர்க்க உதவும் என்று நம்புகிறேன்.

என்னுடைய இந்த குறிக்கோளுக்கு உதவியாக சமைத்து ஆதரவு அளிக்கும் என் மனைவிக்கு நன்றி!

புதிய அவதாரம்

நீநீநீநீநீண்ட இடைவேளிக்கு பிறகு, மீண்டும் பதிப்புக்களை தொடரலாம் என்றுள்ளேன். இந்த முறை ஒரு மாற்றம். தமிழில் மட்டுமே எழுதாமல், அவ்வப்போது ஆங்கிலத்திலேயும் எழுதுவேன். அது மட்டுமல்லாமல், எழுத்து பிழைகளை பற்றி கவலை படப்போவதில்லை. இல்லாவிட்டால், ஆங்கிலத்தில் எழுதுவதை விட தமிழில் எழுத சுமார் பத்து மடங்கு நேரம் அதிகமாக ஆகிறது.

ஏன் திடீர் என்று இந்த மாற்றம்? இன்று, மஞ்சவாடி மன்றத்தில், அரவிந்தன் மாமா இந்த வலைப்பதிவை பற்றி குறிப்பிட்டிருந்தார்கள். மஞ்சவாடி மன்றத்து இனையத்தாரை வரவேற்கிறேன். அடுத்ததாக, செம்பியன் அண்ணனும் வலைபதிவு வைத்திருப்பது தெரியவந்தது.
தினமும் என்னால் பதிவு செய்ய முடியாவிட்டாலும், வாரம் ஒரு முறை பதிவு செய்யலாம் என்றுள்ளேன்.